Сондай-ақ Алланың мәрхаметінен күдер үзбеңдер. Өйткені, Алланың рахметінен, қарсы болған қауым ғана күдер үзеді... "Юсуф" сүресі, 87-аят "Егер сендер Аллаға дұрыс тәуекел етсеңдер еді, онда Ол сендерді, таңертең аш кетіп, кешке қарындары тойып қайтатын құстарды қалай ризықтандырады, сендерді де солай ризықтандырар еді." Хадис   Дүние - бір қисық жол бұраңдаған, Бақ тайса мал менен бас құралмаған. Күніне мың бір пәле көрсең-дағы, Сонда да күдер үзбе бір Алладан. Қара өлең   Алла асыраған пенде аш болмайды. Абай   "Біттім енді, құрыдым! Қатал тағдыр құтылмастай...

Намаз оқитыны бар, оқымайтыны бар барлығы да арақтың у екендігін біледі. Сөйте тұра туысы мен достарын жиып алып арақ құйып, жауға деген жауыздығын жасап жатады. Ыдысыңа у құйып берген адамды "жаныашыр" деп айтудың өзі ыңғайсыз. Бірақ, осыны дәлелдей алмай қор боласың. Айтсаң, барып тұрған жексұрын боласың. Неше түрлі сөз айтып, сөгіп тастайды. Айналасындағылары таспен атса да тайсалмаған сахабалардан жаным артық па?! Ал, айттым!

Біздің елде Қилажбек атты ақсақал бар. Бір адамды жерлеп келіп, еш уайымсыз тамақ жеп отырған ауылдастарына: "Е-еһ! Ертең мен өлсем де, апыл-ғұпыл жерлеп келіп, түк болмағандай ас ішіп отырасыңдар-ау!" деп, жылап жіберген еді. Жақсыдан жаман, өліден тірі ғибрат алар болса. Қилажбек ақсақалға ұқсап "Мен де ертең өлемін-ау" деп ойланып жүрген адам аз. Марқұм әкемнің зиратындағы тасқа: Намаз оқы! Ей пенде Хақтан безбе! Тас түнекке айналар ақ таң лезде. Оқымасаң зар болып өкінерсің, Қара жердің астында жатқан кезде, - деп жазып едім. Оқыған адам ойлансын деп. Бірақ, ойлану бақыты әркімге...

Айналсақ та айтулы тұлғаға біз, Жаратқанның алдында құл ғанамыз. Көңіл бөлген адамға құлдық ұрып, Өмір берген Құдайға бұлданамыз.   Бұлданамыз, жібіне жабыспаймыз, Бар мақтауды басқаға бағыштаймыз. Кәсіп берген адамды жақын тартып, Нәсіп берген АЛЛАдан алыстаймыз.   Түбі бірақ өлімнен сау кетпейміз, Жойыламыз жоқ болып жау жетпей біз. Мақтап жүрген адамға алғыс айтып, Сақтап жүрген Тәңірге тәубе етпейміз.   Бостан-босқа уақытты шығындаймыз, Қысылғанда "АЛЛА-ай!" деп шырылдаймыз. Пара берген адамға бара беріп, Сана берген АЛЛАға бұрылмаймыз.   Шетімізден...

Айналсақ та айтулы тұлғаға біз, Жаратқанның алдында құл ғанамыз. Көңіл бөлген адамға құлдық ұрып, Өмір берген Құдайға бұлданамыз.